ഈരാറ്റുപേട്ട: ഈരാറ്റുപേട്ട പഞ്ചായത്തിലെ തോട്ടുമുക്ക് ഭാഗത്തുള്ള കോസ് വേ പാലത്തില്‍ രൂപപ്പെട്ട വലിയ കുഴിയില്‍ സോളിഡാരിറ്റി ഈരാറ്റുപേട്ട ഏരിയ വഞ്ചിയിറക്കി പ്രതിഷേധിച്ചു. ഈരാറ്റുപേട്ട പഞ്ചായത്തിലെ പ്രധാനപ്പെട്ട മൂന്ന് സ്കൂളുകളിലെ വിദ്യാര്‍ഥികള്‍ സഞ്ചാരത്തിനായി ഉപയോഗിക്കുന്ന പ്രധാനപ്പെട്ട റോഡാണ് വന്‍ കുഴികള്‍ രൂപപ്പെട്ട് തോടായിരിക്കുന്നത്. പാലാ, തൊടുപുഴ റോഡിലൂടെ വരുന്ന വാഹനങ്ങള്‍ തിരക്കേറിയ നഗരത്തില്‍ പ്രവേശിക്കാതെ വിനോദ സഞ്ചാര കേന്ദ്രമായ വാഗമണ്‍, മാര്‍മല അരുവി തുടങ്ങിയ പ്രദേശങ്ങളിലേക്ക് പോവുന്നതിന് എളുപ്പ മാര്‍ഗമായ ഈ റോഡ് എത്രയും പെട്ടെന്ന് അറ്റകുറ്റപ്പണികള്‍ നടത്തി ഗതാഗത യോഗ്യമാക്കണമെന്ന് സോളിഡാരിറ്റി ആവശ്യപ്പെട്ടു. ഏരിയാ പ്രസിഡന്റ് പി.എസ്. ഹക്കീം പ്രതിഷേധ പരിപാടി ഉദ്ഘാടനം ചെയ്തു. ഹിബ യൂസുഫ്, കെ.യു. സിയാദ്, ഹസീബ്, എ.എന്‍. നൗഫല്‍, നൗഫല്‍ ബഷീര്‍, സുഹൈല്‍, സുധീര്‍ തുടങ്ങിയവര്‍ നേതൃത്വം നല്‍കി.
No comments:
Post a Comment