മാതാക്കല്‍ തോട്
രണ്ട് വര്‍ഷം മുമ്പ് സോളിഡാരിറ്റി സംഘടിപ്പിച്ച മാതാക്കല്‍ തോട് ശുചീകരണ ശ്രമദാനം.
Wednesday, August 31, 2011
മാതാക്കല്‍ തോട് മലിനീകരണം: ബോധവല്‍ക്കരണ പരിപാടി സംഘടിപ്പിച്ചു
മദ്യ നയം: ഒപ്പു ശേഖരണം നടത്തി
Monday, August 29, 2011
ബസ് കാത്തിരിപ്പ് കേന്ദ്രം പുനര്‍ നിര്‍മിച്ചു
Friday, August 26, 2011
വെയിറ്റിംഗ് ഷെഡിന്റെ ബോര്‍ഡ് നശിപ്പിച്ചു
ഈരാറ്റുപേട്ട: എം.ഇ.എസ് ജംഗ്ഷനില്‍ സോളിഡാരിറ്റി സ്ഥാപിച്ച വെയിറ്റിംഗ് ഷെഡിന്റെ ബോര്‍ഡ് സാമൂഹ്യ വിരുദ്ധര്‍ നശിപ്പിച്ചു. ഇത് തുടര്‍ച്ചയായി നാലാം തവണയാണ് ഇവിടെ ബോര്‍ഡ് നശിപ്പിക്കുന്നത്. സംഭവത്തില്‍ സോളിഡാരിറ്റി ഏരിയാ സമിതി പ്രതിഷേധിച്ചു.
സിഗ്നല്‍ ബോര്‍ഡുകള്‍ നശിപ്പിച്ചു
ഈരാറ്റുപേട്ട: പുതുപ്പള്ളി മെഡിക്കല്‍ സെന്ററിന് മുന്നില്‍ സോളിഡാരിറ്റി സ്ഥാപിച്ച സിഗ്നല്‍ ബോര്‍ഡ് സാമൂഹ്യ വിരുദ്ധര്‍ നശിപ്പിച്ചു. പി.എം.സി ആശുപത്രിയുടെ മുന്നില്‍ മാസങ്ങള്‍ക്ക് മുമ്പ് സ്ഥാപിച്ച ഹമ്പിന് സിഗ്നല്‍ ബോര്‍ഡ് ഉണ്ടായിരുന്നില്ല. ഇതിനാല്‍ രാത്രകാലങ്ങളില്‍ വരുന്ന ഇരുചക്ര വാഹനങ്ങള്‍ അപകടത്തില്‍ പെടുന്നത് പതിവായിരുന്നു. ഇത് പരിഹരിക്കുന്നതിനു വേണ്ടി ഈരാറ്റുപേട്ടയിലെ സോളിഡാരിറ്റി പ്രവര്‍ത്തകര്‍ മുന്‍കൈയെടുത്ത് മുന്നറിയിപ്പ് ബോര്‍ഡ് സ്ഥാപിച്ചത്. എന്നാല്‍ കഴിഞ്ഞ ദിവസം രാത്രി സാമൂഹ്യ വിരുദ്ധര്‍ ബോര്‍ഡ് നശിപ്പിക്കുകയായിരുന്നു. സാമൂഹ്യദ്രോഹികളെ നിലക്കുനിര്‍ത്താന്‍ അധികാരികള്‍ തയാറാവണമെന്നും അക്രമികളെ കണ്ടെത്തി മാതൃകാപരമായി ശിക്ഷിക്കണമെന്നും സോളിഡാരിറ്റി ഏരിയാ സെക്രട്ടറിയേറ്റ് ആവശ്യപ്പെട്ടു. പ്രസിഡന്റ് അബ്ദുല്‍ ഹഖീം പി.എസ്, സെക്രട്ടറി അന്‍സാര്‍ അലി, ബഷീര്‍ ഇടകളമറ്റം, വി.ഇ. യൂസുഫ് എന്നിവര്‍ സംസാരിച്ചു.
''കുള''മായ റോഡില്‍ വഞ്ചിയിറക്കി പ്രതിഷേധിച്ചു
കൂടുതല്‍ ചിത്രങ്ങള്‍
Thursday, August 25, 2011
സര്‍ക്കാര്‍ ആശുപത്രിയെ അനാഥമാക്കരുത്: സോളിഡാരിറ്റി പ്രക്ഷോഭത്തിലേക്ക്
ഈരാറ്റുപേട്ട ഗവണ്‍മെന്റ് ആശുപത്രിയുടെ പുതിയ ബ്ലോക്കിന്റെ നിര്‍മാണ പ്രവര്‍ത്തനങ്ങള്‍ പൂര്‍ത്തിയാക്കി എത്രയും വേഗം പ്രവര്‍ത്തനമാരംഭിക്കണമെന്നാവശ്യപ്പെട്ട് സോളിഡാരിറ്റി പ്രക്ഷോഭത്തിലേക്ക്. ഇതിന്റെ ഭാഗമായി ബഹുജന ബോധവല്‍ക്കരണത്തിന്റെ ഭാഗമായി വാഹനറാലിയും ഒപ്പു ശേഖരണവും സംഘടിപ്പിച്ചു. വാഹന റാലി സോളിഡാരിറ്റി ജില്ലാ പ്രസിഡന്റ് പി.എം. മുഹമ്മദ് ഇബ്രാഹിം ഫഌഗ്ഓഫ് ചെയ്തു. ലക്ഷക്കണക്കിന് രൂപ മുടക്കി പണിയാരംഭിച്ച ആശുപത്രി ബ്ലോക്കിന്റെ നിര്‍മാണ പ്രവര്‍ത്തനങ്ങള്‍ അഴിമതിയുടെ കൂത്തരങ്ങായി മാറിയെന്ന് അദ്ദേഹം അഭിപ്രായപ്പെട്ടു.
ബാര്‍ അനുവദിക്കണമെന്ന പി.സി. ജോര്‍ജ് എം.എല്‍.എയുടെ പരാമര്‍ശം: സോളിഡാരിറ്റി പ്രതിഷേധ റാലി സംഘടിപ്പിച്ചു
ഈരാറ്റുപേട്ട: ഈരാറ്റുപേട്ടയില്‍ ബാര്‍ അനുവദിക്കണമെന്ന് പി.സി. ജോര്‍ജ് എം.എല്‍.എ നിയമസഭയില്‍ ആവശ്യപ്പെട്ടതില്‍ പ്രതിഷേധിച്ച് സോളിഡാരിറ്റിയുടെ നേതൃത്വത്തില്‍ പ്രതിഷേധ ബഹുജന റാലി സംഘടിപ്പിച്ചു. മക്കാ മസ്ജിദ് പരിസരത്തുനിന്ന് ആരംഭിച്ച റാലി ചേന്നാട് കവല, വടക്കേക്കര എന്നിവിടങ്ങളില്‍ ചുറ്റി ടൗണില്‍ സമാപിച്ചു. പി.സി. ജോര്‍ജ് ഈരാറ്റുപേട്ടക്കാരോട് മാപ്പ് പറയണമെന്നും ബാര്‍ മുതലാളി പി.സി. ജോര്‍ജിന്റെ ബിനാമിയാണോയെന്ന് വ്യക്തമാക്കണമെന്നും സോളിഡാരിറ്റി ആവശ്യപ്പെട്ടു. പി.ഡി.പി പ്രവര്‍ത്തകരും റാലിയില്‍ പങ്കെടുത്തു.
Subscribe to:
Posts (Atom)